..::hjúkka framtíðarinnar::..

Lifnuð við... eða e-ð í þá átt

Tue, 10 Oct 2006 17:08:24 GMT

Taka 239 við að byrja aftur á bloggskrifum.
Ég ætla að reyna lifna við aftur í bloggheiminum en þó kemur engin svaka færsla inn núna :S Hinsvegar ætla ég benda ykkur á þennan link til þess að minna ykkur á það hvað ég er alltaf ofurkúl og í týskunni!
http://www.youtube.com/watch?v=y0x2qHQ0-gQ&eurl=
ú je!

Gulur bíll

Fri, 05 May 2006 17:56:43 GMT

Fyrir nokkrum árum hófst ansi skemmtilegur leikur sem hélt manni við athyglina í umferðinni – svo kallaður “gulur bíll!”. Já það þekkja hann nú flestir, en fyrir þá sem ekki vita þarf að fylgjast vel með og hrópa gulur bíll þegar svoleiðis furðufugl nær að fanga athygli augans, um leið slær maður í öxlina á næsta við hliðina á. Sá hinn sami tekur þá þátt í leiknum til að geta endurgoldið höggið sem hann fékk frá samferðarmanni sínum. Þessi leikur er og var í miklu uppáhaldi hjá henni Söndru, og það er ósjaldan sem við höfum pikkað í hvor aðra á Rauðu Þrumunni. Tekið sal fram að strætisvagnar, vinnuvélar og gul skilti eru ekki með í þessum leik, en það vill oft gleymast í hita leiksins. --- Ég held að ég hafi upprunalega lært þennan leik af systrabörnum mínum, en Bjarki var mikið fyrir það að lemja frænku sína svona svo tók Harpa við. Hlynur til að mynda sá eitt sinn stóran gulan jeppa og afleiðingarnar voru þær að frænkan fékk stærðarinnar marblett á upphandlegginn – sama dag og eitt menntaskólaballið fór fram. Já sjal eða peysa þurftu að bjarga mér þar, hehe.--- Þegar ég kom til Spánar álpaðist ég til að kenna krökkunum tveimur þennan leik, þá í annarri útfærslu – það átti að öskra “gulur bíll” eins hátt og þau gætu þegar þau sæju svoleiðis kagga. Hinsvegar var annar hver bíll í Ciudad Real gulur SEAT “Cordoba” eða “Toledo”. Ég var ekki lengi að sjá eftir þessu – og þurfti að leika þennan leik með börnunum í 10 mánuði. Því hef ég nú lítið spáð í þessu frá því ég kom heim og ekki lagt í það að rifja upp leikinn til að losna við marbletti og heyrnardeyfð. --- Undanfarna daga hef ég hugsað um þennan leik, hversu fáránlegur hann er í raun en þó ágætur innst við beinið. En eitt vandamál tengist þessu öllu saman og það er það að fáir gulir bílar skarta götur bæjarins. Gulllitaður Yaris er ekki með að mínu mati og verð ég allaf fúl þegar náunginn klekkir á mér með að halda því fram! --- Hinsvegar er ný bílategund að aukast á götunum, svona þar sem góðæri ríkir þá ertu ekki maður með mönnum ef þú átt ekki Porsche jeppa, grunnsskólakennarar, íþróttastjörnur og forstjórar aka um á glæsikerrunni, og sérstaklega mikið er af þessari tegund í Garðabæ. --- Nú hvet ég alla til rifja upp “gulur bíll” og nú leika hann með því að láta slag standa þegar þú sérð “Porsche jeppa”.--- Opnið augun og sjáið góðærið! -------- p.s. ég biðst velvirðingar á hvað textinn er samþjappaður - en kerfið er e-ð að klikka,ætli maður færi ekki bloggið eftir próf ;)

ekkert að gera í próflestri

Tue, 25 Apr 2006 11:54:09 GMT

How Will I Die Quiz

You will die at the age of 39

You will be killed when the chimpanzee's rise up and take control of the planet

Find out how you will die at Quizopolis.com

Þá vitið þið það.. nýtið nú tímann með mér vel, þar sem ég mun falla frá innan örfárra ára!

Smurf Name

Your Smurf Name is

Naughty Smurf

Get Your Smurf Name at Quizopolis.com

Já Naugthy Smurf... ekki slæmt nafn ;) ég skrifa mig kannski á prófblaðið með því nafni... hehe

Stjönuspá dagsins!

Tue, 25 Apr 2006 09:06:03 GMT

MEYJA 23. ágúst - 22. september Þorirðu að nefna endanlegt markmið þitt við einhvern sem er hærra settur en þú? Ef þú gerir það verða tækifærin sem koma upp í meira samræmi við gildismat þitt. Láttu í þér heyra um þrjúleytið, en þá verður sjálfstraustið svo mikið að enginn getur neitað þér. ------------------- Öss, ef ég þyrfti að biðja um launahækkun þá myndi ég pottþétt gera það kl 15 í dag! Verst að ég er ekki byrjuð í vinnunni og ríkið er lítið fyrir það að borga góð laun, svo ég sleppi því að sinni. Hmm þarf að finna mér e-n til að tala við kl 15, því þá verð ég svo úper sjálfstraust að það hálfa væri hellingur! hehe, próflærdómur, hætt þessu bulli að sinni

skömm!

Thu, 06 Apr 2006 17:54:56 GMT

Var að lesa MBL, og sá þar þessa frétt:

Dæmdur í árs fangelsi fyrir kynferðisbrot gegn 3 stúlkum

Hæstiréttur hefur dæmt karlmann í eins árs fangelsi fyrir að hafa tælt þrjár ungar stúlkur til samræðis og annarra kynferðismaka. Maðurinn var einnig sakfelldur fyrir að hafa haft í vörslum sínum ljósmyndir, sem hann tók af stúlkunum nöktum og myndir sem töldust barnaklám.

Maðurinn var einnig dæmdur til að greiða stúlkunum bætur, einni 250 þúsund krónur og hinum tveimur 150 þúsund krónur hvorri.

Héraðsdómur Reykjavíkur hafði áður dæmt manninn í 2 ára fangelsi en Hæstiréttur mildaði refsinguna.

Hvað er að dómstólum landsins að dæma þennan mann í einungis ár! Hann er varla kominn inn þegar hann er orðinn frjáls aftur! Einnig er það bara hlæilegt hvað hann þarf að greiða í bætur...!

Mér finst þessi dómur skömm!

---\'Eg hef talað mínu máli

Quiz æðið

Wed, 15 Mar 2006 16:50:22 GMT

Já árið 1999 gekk quiz próf manna á milli í tölvutímum í 10 bekk. Núna 7 árum síðar eru vinkonurnar aftur farnar að senda þessi próf á milli og athuga hversu vil náunginn þekkir þær. Ég gat að sjálfsögðu ekki verið minni manneskju svo ég tók mér frí frá ritgerðarsmíðum og setti saman eitt stutt, 6 spurninga quiz.

http://www.quizyourfriends.com/yourquiz.php?quizname=060315114640-315477&

Endilega tékkið á þessu og sjáið hversu vel þið þekkið mig.

Yfir og út - sokkin í Alzheimerinn....

Spítalalíf

Tue, 28 Feb 2006 19:08:23 GMT

Jú jú ég er á lífi... hef það mjög gott en þjáist af nennuleysi í tengslum við blogg og tölvuheim þessa dagana. Undanfarna viku hef ég dvalið á bæklunarskurðdeild í Fossvogi sem hjúkrunarnemi en ekki sjúklingur. Nú er ég mun fróðari um liðskiptingar á mjöðm, hné og spengingar á hryggjaliðum. Einnig hef ég borðað yfir mig af sjúkrahúsfæði og kakói.

en þetta rakst ég á og vildi deila með ykkur skondnum læknasögum, þeas það sem læknar hafa skrifað í skýrslurnar sínar

Nokkrir gullmolar úr læknaskýrslum:

- Að höfðu samræði við lækni féllst hann á að koma sjálfviljugur inn.

- Á öðrum degi var hnéð betra og á þriðja degi var það alveg horfið.

- Daginn fyrir innlögn borðaði hún kvöldmat á eðlilegan hátt með kjötbollum.

- Eðlileg augnskoðun fyrir utan sérkennilegt andlitsfall...

- Eftir það var hún í samkvæmi...

- Fékk vægan verk undir morgunsárið...

- Hún hefur þroskast eðlilega framan til...

- Hún rann til á svelli og virðist að lappirnar á henni hafi farið í sitt hvora áttina í byrjun desember.

- Húðin var rök og þurr.

- Misnotaði áfengi í óhófi áður fyrr...

- Móðir getur látið barnið sitja með því að setja fæturna í hring...

- Nú er svo komið fyrir henni að hún getur að mestu hjálpað sér sjálf...

- Saga er fengin hjá uppgefnum ættingjum...

- Sjúklingur á vanda til að fara austur í sveit um helgar. Þar datt undan henni hestur...

- Sjúklingur var í morgun að drekka te og borða maís þegar að bar mann sem heitir Kristmundur.

- Skoðun við komu leiðir í ljós unglingspilt...

- Tekin var mynd af sjúklingi sem sýndi breytingar í Hafnarfirði...

- Við komu á spítalann var sjúklingur fljótlega skoðaður af undirrituðum og kemur þá í ljós að um er að ræða 46 ára karlmann sem er mjög þrekvaxinn og vöðvastæltur...

- Við rectal exploration fannst stækkaður skjaldkirtill...

- Við skoðun á sjúklingi kemur fram áberandi kyndeyfð...

- Við skoðun eru engar eitlastækkanir að gagni...

- Það sem fyllti mælinn var þvagleki...

- Það vottar fyrir gyllinæð hægra megin á kálfa...

- Þegar hann var lagður inn hafði ör hjartsláttur stoppað og honum leið betur.

- Þessi maður veit ekkert um skyldleika í ætt....

- Sjúklingur batnar ef lagst er ofan á hann...

- Sjúklingur borðar reglulegt mataræði...

- Sjúklingur er ekki þekktur fyrir að fremja sjálfsmorð.

- Sjúklingur er fertug, að öðru leyti ekkert athugavert.

- Sjúklingur er svo hress að hann gæti gengið langleiðina til Akureyrar...

- Sjúklingur er tilfinningalaus frá tá og niður úr.

- Sjúklingur fékk sér vöfflur í morgunmat og var kominn með lystarstol í hádeginu.

- Sjúklingur fékk þá mjög langsótt kvef...

- Sjúklingur fær verki í bringuna ef hún liggur á vinstri hlið lengur en í eitt ár.

- Sjúklingur hefur aldrei fundið fyrir þessum verkjum nema þegar hann vaskar upp í sumarbústað - en er ráðlagt eftirlit ef verkirnir koma fram við önnur tækifæri...

- Sjúklingur hefur átt við gott heilsufar að stríða...

- Sjúklingur hefur fremur óbærilega verki...

- Sjúklingur hefur formlegar hægðir...

- Sjúklingur hefur skilið eftir hvítu blóðkornin á öðrum spítala.

- Sjúklingur hefur verið að þyngjast af asmanum sl. sólarhring...

- Sjúklingur hefur verið mædd sl. fimm ár...

- Sjúklingur hefur verið niðurdreginn alveg síðan hann byrjaði að hitta mig 1983.

- Sjúklingur lenti á parketgólfi og bar fyrir sig höndina með þeim árangri að hún brotnaði...

- Sjúklingur hefur verið í vandræðum með gervifótinn en hann hefur haft fjóra fætur frá því að hann lenti í slysinu, en þann síðasta fékk hann í apríl sl.

- Sjúklingur lærði söngnám...

- Sjúklingur tekur engin lyf en magnyl þess á milli...

- Sjúklingur tárast og grætur stöðugt. Virðist líka vera niðurdreginn.

- Sjúklingur var í góðu ásigkomulagi þangað til flugvélin hans varð eldsneytislaus og hrapaði.

Jæja þá hef ég lokið þessari heilbrigðisfærslu, vona að þú hafir notið og brosið út í annað... takk í bili

...::Mjög svo sniðugar spurningar::...

Tue, 24 Jan 2006 15:37:38 GMT

Vá snilldin eina! Sá þetta á síðunni hennar Höddu, og jii hvað þetta er sniðugt. Núna hvet ég ykkur til að setja í kommentið svörin ykkar, hlakka til að sjá og lesa!

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

..:: Páskar..víííí ::..

Tue, 17 Jan 2006 18:32:50 GMT

Já fólk er óþregjufullt - það er greynilegt að ég sé ómissandi í lífi sumra - og því hef ég ákveðið að taka upp penna og blað og krota niður færslu.

Jólin gegnu í garð með fyrstu gjöfinni - jónína og siggi komu heim seint á þorláksmessu, en enginn fékk að njóta þeirra því jólagjafainnkaupin voru ekki búin - í rauninni hef ég ekki enn fengið ferðasöguna, en það er ok - ég get og er búin að lesa hana af síðunni þeirra. Aðfangadagur með allar sínar gjafir, mat og spileríi gekk í gang, jóladagur og annar með sín jólaboð - milli jóla og nýjars var mikið unnið og margt skemmtilegt gert... óþarfi að telja það upp. Gamlársdagur, gamlárskvöld og nýjársnótt - ahhh nýtt ár komið með ný tækifæri og mikilli gleði

Ég er hamingjusöm og mjög svo ánægð yfir frábærum jólum!

Skólinn byrjaður - byrjar vel ... keypti bækurnar fyrst í dag, 10 dögum eftir að skólinn hófst! En gott máltæki segir "betra er seint en aldrei!" svo ég lifi með því!

5 einkunnir af 6 komnar í hús- allt hingað til hefur hafis, kemur í ljós með þessa síðustu. En ég fer ekkert að deila einkununum með alþjóð og get amk sagt að meðaleinkunin hélt sé rekki heldur ***ndi!

Hakkitiíið og spakkettíið sem ég þarf að elda í kvöld bíður... þar til næst -> gleðilega páska

sumarið er að koma

Tue, 17 Jan 2006 18:22:23 GMT

Hafið þið áhuga á að gera e-ð allt annað en að vinna í allt sumar? Langar ykkur til útlanda? Langar ykkur að vinna með börnum? Langar ykkur að kynnast fólki frá hinum ýmsu löndum heimsins? Langar ykkur að gera e-ð ógleymanlegt?

Ef þið fenguð út úr þessu 5 “já” svör þá hef ég lausnina fyrir þig...

Children International Summer Villages – CISV – eru alþjóðlegar sumarbúðir fyrir börn. Á hverju ári sendum við fjögur 11 ára börn ásamt fararstjóra í sumarbúðir erlendis. Í ár eru allar búðir 3 vikur. Þar koma saman hópar sem allir eru skipaðir 2 stelpum, 2 strákum og 1 fararstjóra frá 9-12 löndum. Tilgangur þessara búða er að opna hug barna, sýna þeim að heimurinn er stærri en Reykjavík, úthverfi SaoPaulo, strandbær í Frakklandi eða fjallabyggð í Filippseyjum. Krakkarnir læra að umgangast mismunandi menningaheima, kynþætti, trúarbrögð og hvort annað.

Fararstjóri er sjálfboðastarf – hann fær greitt fargjald og uppihald í búðum, en fær til baka ómetanlegar minningar, gleði og vináttu.

Ef þú hefur áhuga eða vilt vita meira um þetta, t.d. ef þú átt eða þekkir 11. ára börn þá geturu sent mér tölvupóst á sov2@hi.is

Sóley

Jólafríhí

Tue, 20 Dec 2005 12:50:40 GMT

JÓLAFRÍ... JÓLAFRÍ... JÓLAFRÍ... JÓLAFRÍ!!!

já sóley er komin í jólafrí!

og hún ætlar skohh að njóta þess!

engin próf...

engar bækur...

ekkert stress...

Við sjáumst hress á nýju ári

...:: Tími tilhlökkunar að ganga í garð ::...

Fri, 16 Dec 2005 19:44:44 GMT

"chest nuts rosting on an open fier..."

"því jólin eru að kooooma í kvöld.."

"undir jóla hóla tréééé er pakki....."

og svo botna þetta.... ég hef ekki tíma í það !

Próf smóf.... búin með 3 - út úr því er s.s. 1 fall og tvö nái (fleirtala af sögninni, að ná) Lífeðlisfræðin... no comment eins og kennarinn orðaði það þegar hann var spurður um fallið í þeim áfanga... Prófdómari að fara yfir prófið, féttirnar sýndu því áhuga og höfðu samband við nemanda í bekknum - hversu mikið getur lífeðlisfræði breyst á milli ára.. prófið var s.s. fáránlegt - ekki spurt um aðalatriði námsefnisins, heldur e-ð auka auka sem stóð í hálfri setningu á blaðsíðu 459 fyrir ofan síðustu greinaskil... öss... las óvart yfir það og þar af leiðandi stórt feitt fall út úr þeim áfanga - spurningarnar voru á óskiljanlegu máli, svo það tók langan tím að reyna að skilja lið a í spurningu 1,2,3,4,og 5 spurning 6 var auðveld en 7-50 var e-ð sem ekki var leshæft ... en ég fell ekki ein, fæ góðan skammt af bekknum með mér...

En nóg af leiðinda prófum... ætla að segja frá nokkrum gleðidögum sem ég sé fram á í næstu viku

1) Mánudagur kl 12.00 - Ég verðu búin í prófum - komin í jóla smóla frí! Tími chills, útsofelsi og jólagjafakaupa genginn í garð - auk jólatilhlökkunar og gleði

2) Miðvikudagur kl: kvöld - Jóla smóla ball Háskólanna - það verður stuð og túttað fram undir morgun.. hehe.. lítið gert af því síðustu tvo mánuði, svo núna verður skemmt sér og dansað!

3) Föstudagur kl 16.00 - JÓNÍNA OG SIGGI KOMA HEIM! júhú! sneddí það! búin að vera í burtu í hela 4 mánuði, og það tekur á litlu systur og mágkonu að sjá á eftir þeim í svona langan tíma, en gott að þau séu á leiðinni heim.. bara handan við hornið!

4) Laugardagur, sunnudagur, mánudagur - allur dagurinn alla dagana - huhh... hvað æti gerist þá... i wonder....

Jamms smamms... þetta er mín vika og ég get ekki beðið eftir öllum þessum dögum! það verðu gargandi snilld, hver öðrum betri!

En þangað til næst... farin að lesa ónæmis og meinafræði... how interesting.. compliment C1 veldur því að C2 virkast.. og svo heyrði ég ekki meira í ónæmistímanum.....

Kv. Jólastelpan

Lúða klukk....

Tue, 15 Nov 2005 23:55:31 GMT

Sandra klukkaði mig...ég ákvað að svara því og svo verso good!

1. Hvað er klukkan? 23.31

2. Hvaða nafn er á fæðingarvottorðinu þínu? Sóle Ösp Vilhjálmsdóttir

3. Hvað ertu kölluð/kallaður? Sóley svona oftast... eða alltaf - reyndar heiti ég "litla systir" hjá Jónínu, fæ sjaldan að vera kynnt með nafni í henna litla sæta heimi....

4. Hvað voru mörg kerti á síðustu afmæliskökunni þinni? fékk sko ekki köku... eða jú djók - fín veisla 3.sept en engin kerti - hefðu átt að ver 22 þann daginn en vegna of mikils kostnaðar sleppti ég því...

6. Hár ? slétt - músalitað.. fel það með strípum.... sem minnir mig á það að ég þarf að fara að panta mér tíma hjá Hönnu hárbeib

7. Göt? Með eitt í hvoru eyra og svo hin þessi venjulegu

8. Fæðingarstaður? Landspítalinn, Reykjavík

9. Hvar býrðu? heima hjá mér...

10. Uppáhaldsmatur? Lambalæri a la mamma og nautalundir a la Bjössi mágur

11. Eitthvern tíma elskað einhvern svo mikið að það fékk þig til að gráta ? Já always... meira samt vætumþykja en ást....

12. Gulrót eða beikonbitar? grænmeti er hollt =>gulrót er málið...

13. Uppáhalds vikudagur? föstudagur, þá er helgin að byrja og helgar eru bara snillld þessa dagana!!!!!

14. Uppáhalds veitingastaður? Í augablikinu er það Eldsmiðjan sem stendur upp úr, góðar minninar

15. Uppáhalds blóm? sóleyjar - ekki spuring, fæ alltaf sting í hjartað þegar mamma rífur þær upp úr beðunum sínum á sumrin... en þá er gott að komast á Bergstaði því þar eru túnin gul!

16. Hvaða íþrótt finnst þér skemmtilegast að horfa á? Handbolti of kors my hors! Var komið inn í þá íþrótt á Spáni - alltaf spenningur í seinni hálfleik (nánast alltaf

17. Uppáhalds drykkur? vatn.... og svo ísklaldur erdinger

19. Disney eða Warner brothers? gæti ekki verið meira sama...

20. Uppáhalds skyndibitastaðurinn? Á næstu grösum - hollt og gott

21. Hvernig er teppið í svefnherberginu á litinn? hvítt

22. Hver var síðastur til að senda þér tölvupóst? á HÍ mailið var það hún Lilja mín að senda mér heimildaskrá - á Gmailinu var að Sigríður sys í Norge og Jónína frá Nýjasjálandi 5 mín áður....;)

23. Í hvaða búð myndir þú vilja botna heimildina á kreditkortinu? hefði ekki samvisku í það... pass....

24. Hvað gerir þú oftast þegar þér leiðist? Leiðst aldrei... er sjálfri mér nóg...

25. Hvaða spurning sem þú færð fer mest í taugarnar á þér? vá mér dettur ekkert í hug :s

26. Hvenær ferðu að sofa? miðnætti... úps 10 mín í svefn... (fjandakornið þetta klukk)

27. Hver verður fyrstur til að svara þér þessu? No se, y no cero!!!

28. Hver af þeim sem þú biður um að svara þessu er líklegastur til að svara ekki? örugglega flestir -

29. Uppáhalds sjónvarpsþáttur? ER - það eina sem ég horfi á reglulega - þjáist að sjónvarpsfóbíu ... svo mikið í boði og erfitt að halda í við alla svo ég hef ákveðið að reyna það ekki einu sinni

30. Með hverjum fórstu síðast út að borða? It´s for me to know and you to find out....

31. Ford eða Chevy? bæði betra

32. tók mig 20 mín... er líka á msn......

og ég að klukka núna... mwuhahah... Læt það ógert, veit að fólk hefur margt betra við tímannn sinn að gera en að svara endalausu klukki... svo hérna endar þessi keðja..

hasta pronto mi amigos!

...:: good enough ::...

Sat, 05 Nov 2005 16:29:26 GMT

Þið stóðuð ykkur bara ágætlega... ég læt þetta nægja í bili á böggi... ! :p

Vaknaði í "morgun" með þennan líka mikla kraft í líkamanum... bretti upp ermar og fór að taka til - já... það er sko saga til næsta bæjar...! Tiltekt er ekki mitt uppáhalds neitt sko, enda ekki lítið svæði sem ég þarf að taka til á - enda ágætis "tveggja herbergj "íbúð"" stofa, svefnherbergi, wc og gaaaaaaangur!!! Þessu dundaði ég mér að nokk lengi og tók bara jólahreingerninguna á þetta... tuskan,vatnið og svo bara skrúúúúbb... svona næstum því

Annað er að segja með lærdóminn.... enda er hann staðsettur á allt annari hillu! Verknámið byrjar á þri með öllum sínum skilaverkefnum!!! no good! Er að nota tímann núna til að anda og hafa gaman... svo tekur allllvaran við! huhh...

farin í kringluna.... útsala júhúuu...

-söv

...::Merkja við sig::...

Tue, 01 Nov 2005 19:45:23 GMT

Eftir flakk á milli bloggsíða meðan ég hef átt að vera að læra hef ég séð að þetta er svolítið í týsku þessa dagana... ég fylgi nýjustu týsku og setti upp skoðanakönnun... ->

Við heimsókn þína hingað inn bið ég því að svara könnuninni og ef þú þarft - vilt tjá þig e-ð... endilega komdu með komment og segðu mér hver þú ert...

Næsta bloggfærsla kemur ekki inn fyrr en ég er orðin sát við svörunina á könnuninni og kommentin... svo ef vilið meira blogg... vitið þið hvað gera skal....